“ნაციონალური მოძრაობის” ლიდერი, ლევან სანიკიძე აშშ-ს სახელმწიფო დეპარტამენტის ანგარიშს ეხმიანება:
“ჩვენ ვნახეთ სახდეპის ძალიან მნიშვნელოვანი ანგარიში. ტრამპის ადმინისტრაციის დროს ეს არის პირველი ანგარიში, სადაც უკიდურესად კრიტიკული გზავნილებია “ქართული ოცნების” მიმართ. საუბარია ძალადობაზე, მედიის მიმართ განხორციელებულ უპრეცედენტო ზეწოლაზე, რაც, ჩემი აზრით, პირდაპირ აჩქარებს “მეგობარი აქტის” მიღების პროცესს.
ეს კიდევ ერთხელ ადასტურებს, რომ “ქართულ ოცნებას” დონალდ ტრამპის ადმინისტრაციასთან რაიმე სახით ვითარების ნორმალიზების ან ლეგიტიმაციის მიღების არანაირი შანსი არ აქვს.
აქედან გამომდინარე, ჩვენ დარწმუნებულები ვართ, რომ შემოდგომის დასაწყისშივე მოხდება “მეგობარი აქტის” მიღება, რომელიც აქტიურად შეუწყობს ხელს ქართულ საზოგადოებას და ამავე დროს ძალიან დიდ დარტყმას მიაყენებს “ქართული ოცნების” რუსულ რეჟიმს”, – განაცხადა ლევან სანიკიძემ.
ინფორმაციას “ნაციონალური მოძრაობის” პრესსამსახური ავრცელებს
