მიხეილ სააკაშვილთან დაკავშირებით გამოთქმულ მოსაზრებას, რომ ის არაა პოლიტპატიმარი და ასევე საქართველოს მე-3 პრეზიდენტთან დაკავშირებით დაფიქსირებულ კრიტიკულ პოზიციას, ოპოზიციონერი პოლიტიკოსი, კობა ხაბაზი კონკრეტული მინიშნებებით და განმარტებებით ეხმაურება:
“რაც მაწყობს, შევასრულებ, რაც არა დავიკიდებ.
ეს ქოცობაა, ასე ქოცები იქცევიან.
მიშას გათავისუფლება ევროპის მოთხოვნაა და თუ შენ, ნებისმიერი მოტივით, ამ მოთხოვნას აიგნორებ, შენ პირადი ეგო გახრჩობს და არა ქვეყნის მომავალი.
როცა საერთო ევროპული ოჯახი გიყენებს მოთხოვნებს იქ ამორჩევა არ მოსულა, ან ვასრულებთ და ვხდებით ამ ოჯახის წევრი, ან უარს ვამბობთ და ვრჩებით მის მიღმა.
ასე რომ დაიოკეთ პირადი ვნებები და თამამად, ამაყად თქვით:
თავისუფლება მიშას!
ეს სამართლიანი, ღირსეული და სამშობლოს მომავლისთვის გადადგმული ნაბიჯია“, – წერს კონა ხაბაზი ფეისბუქის პირად გვერდზე.
