პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი საქართველოს მესამე პრეზიდენტის ინიციატივას ეხმიანება. მისი განმარტებით სააკაშვილს ქვეყნისათვის თანხის მოტანა არ შეუძლია და საქართველოს სახელით მოქმედება იმიჯის შემლახავია, რადგან მესამე პრეზიდენტს სერიოზულად არავინ აღიქვამს.
„ამ რთულ ვითარებაში, სააკაშვილის თამადობით, გარკვეული ოპოზიციური ძალები მთლიანად გადასულია პოპულიზმზე, პოლიტიკურ მანიპულაციაზე, რაც რიგ შემთხვევაში, მავნებლობაში გამოიხატება.
სააკაშვილი რომ არც ერთი თეთრის მომტანი არ არის, ეს ყველამ კარგად ვიცით. ის კლოუნადით არის დაკავებული. მას არც ერთი თეთრის მოძიება არ შეუძლია და მეტიც, მისი წარმომადგენლობა, საქართველოს სახელით მოქმედება, ჩემთვის და ჩვენი ქვეყნისთვის იმიჯის შემლახავია, რამდენადაც მას სერიოზულად არავინ აღიქვამს.“
რაც მთავრობამ იმუშავა და სამი მილიარდის მობილიზება შეძლო, ფაქტობრივად, სხვა არც ერთ ქვეყანას არ გაუკეთებია, ამასაც შეიძლება მისი მოქმედებით და ხშირ შემთხვევაში, მავნებლური განცხადებებით, საფრთხე დაემუქროს. ამიტომ, ბუნებრივია, აქ ხელისუფლება დროულად მოქმედებს,“ – განაცხადა ირაკლი სესიაშვილმა
შეგახსენებთ, რომ „მთავრი არხის“ ეთერიდან საქართველოს მესამე პრეზიდენტმა, მიხეილ სააკაშვილმა მიმართა საქართველოს მთავრობას ინიციატივით, რომ მისთვის მიეცათ ქვეყნის დროებით წარმომადგენლის სტატუსი, რათა დახმარებოდა საქართველოს თანხების მობილიზებაში კორონავირუსთან საბრძოლველად.
ავტორი
თამთა ასლანიშვილი
