“4 ოქტომბერი შესაძლოა ნაცმოძრაობისთვის მართლაც საკრალური თარიღი აღმოჩნდეს” – ზაალ ანჯაფარიძე

ანალიტიკოსი ზაალ ანჯაფარიძე თავის ვარაუდებს გამოთქვამს პარტია “ნაციონალური მოძრაობის” შესაძლო აკრძალვასთან დაკავშირებით:

“4 ოქტომბერი შესაძლოა ნაცმოძრაობისთვის მართლაც საკრალური თარიღი აღმოჩნდეს. უფრო ზუსტად კი მათი როგორც პოლიტიკური პარტიის დასასრულის დასაწყისი. რატომ და როგორ?

4 ოქტომბრამდე დაიდება პარლამენტის საგამოძიებო კომისიის დასკვნა და შევა სარჩელი საკონსტიტუციო სასამართლოში ნაცმოძრაობის აკრძალვაზე.

თუ 4 ოქტომბერს თვითმმართველობის არჩევნების დღეს, ნაცმოძრაობა მოაწყობს არეულობას და გავა კონსტიტუციური ჩარჩოდან, ხელისუფლებას კიდევ უფრო მეტი საფუძველი მიეცემა ნაცმოძრაობის აკრძალვისთვის, და ვერავითარი დასავლეთი მათ ვერ უშველის“, – წერს ფეისბუქის პირად გვერდზე ზაალ ანჯაფარიძე.