პანკისის ხეობაში, ერთი წლის წინ, სახელმწიფო უშიშროების სამსახურის მიერ ჩატარებული სპეცოპერაციის შედეგად, სასიკვდილოდ დაიჭრა თემირლან მაჩალიკაშვილის, რომელიც 2018 წლის 10 იანვარს გარდაიცვალა. ამ ხნის განმავლობაში რა საგამოძიებო პროცედურები ჩატარდა და რა ეტაპზეა გამოძიება, საზოგადოებისთვის უცნობია.
აღნიშნულ საკითხებზე სასაუბროდ და შემაჯამებელი დასკვნის მომზადების მიზნით, ადამიანის უფლებების სწავლებისა და მონიტორინგის ცენტრში დაგეგმილია შეხვედრა თემირლან მაჩალიკაშვილის მშობლებთან. მიმდინარე გამოძიებასთან დაკავშირებით შეფასებას ახდენს ცენტრის თანასწორობის პოლიტიკის პროგრამის დირექტორი თამთა მიქელაძე:
“ერთი წლის დაკვირვება აჩვენებს, რომ მიმდინარე გამოძიება ეფექტიანი არ არის და რაიმე შედეგი არ დამდგარა, მეტიც, მიმდინარე გამოძიება აშკარად ფორმალურ ხასიათს ატარებს. გავაკრიტიკებთ სუს-ის და პროკურატურის მუშაობას ამ საქმეზე და ამავდროულად მოვუწოდებთ საპარლამენტო პოლიტიკურ ჯგუფებს, იმისთვის რომ მათ გამოიყენონ ეფექტიანი საპარლამენტო კონტროლის მექანიზმები ამ საქმეზე და მათ შორის შექმნას საგამოძიებო კომისია“.