“ქოცები ყველაზე მეტად დაბოღმილები არიან ახალ თავისუფალ ნიჭიერ თაობაზე, რომელთაც არ იციან რა მოუხერხონ” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი საგამოძიებო კომისიის 2 ძირითად ფუნქციასა თუ მიზანზე საუბრობს:

“ოლიგარქის ღალატის კომისიას, რომელსაც ამიერიდან ყველა წესიერი ადამიანი უარს ეუბნება თანამშრომლობაზე, აქვს ორი უმთავრესი ფუნქცია:

1) დანერგოს რუსული ვერსია 2008 წლის ომის და დაადანაშაულოს მასში საქართველო;
2) მათ თვითონვე განაცხადეს, რომ ვარდების რევოლუციამდე საქართველო თურმე სწორი გზით მიდიოდა და 2003 ში ამ გზას გადაუხვია. ადამიანურ ენაზე ეს ნიშნავს შევარდნაძის კორუფციული სისტემის რეაბილიტაციას.

რატომ აკეთებენ ამას? საქმე იმაშია რომ ქოცები ყველაზე მეტად დაბოღმილები არიან ახალ თავისუფალ ნიჭიერ თაობაზე, რომელთაც არ იციან რა მოუხერხონ.

ეს ახალგაზრდები გაიზარდნენ და განათლება მიიღეს კორუფციისგან თავისუფალ გარემოში და ეს ვერ უპატიებია კორუფციული სისტემის ამღორძინებლებს.

რა თქმა უნდა, ეს მეორე ამოცანაც, მათ შორის მოსკოვის დაკვეთაც ეხმაურება, რომელსაც ყელში ძვალივით აქვს გაჩხერილი “ფერადი რევოლუციები” და სწორედ კლეპტოკრატიული რეჟიმების გარემოცვაში გრძნობს თავს კომფორტულად“, – აცხადებს მიხეილ სააკაშვილი.