შვედეთის საგარეო საქმეთა სამინისტროს მიერ გაკეთებულ განცხადებას მინიშნებით, რომ საქართველოში კრიზისია, ეხმაურება დეპუტატი “ქართული ოცნებიდან”, პაატა სალია:
“არანაირი კრიზისი დღეს საქართველოში არ არის! არ ვიცი შვედეთის საგარეო საქმეთა სამინისტრო თუ ის პირები, ვინც უშუალოდ აძლევენ დავალებებს მათ – ამ შემთხვევაში, მხედველობაში მყავს “დიფ სთეითი” და მისი წარმომადგენლები, რას გულისხმობენ კრიზისში.
ჩვენ ვხედავთ, რომ სახელმწიფოში ყველა ინსტიტუტი გამართულად მუშაობს. პოლიტიკური კრიზისის არანაირი ნიშნები ქვეყანაში არ არის!
გვყავს ოპოზიცია, რომელიც სრულად გაიძარცვა. დარწმუნებული ვარ, მას აღარ დარჩა ამომრჩეველი და ამაზე მეტყველებს ასევე ის, თუ რა ტიპის პროტესტს ვხედავთ ყოველ საღამოს, რუსთაველის გამზირზე – რამდენიმე ასეული ადამიანი აპროტესტებს და ითხოვს ხელახალ არჩევნებს. ეს არის წარმოუდგენელი, ამაზე ჩვენი პარტიის და ამომრჩევლის პოზიცია არის მყარი, რომ არანაირი ვადამდელი საპარლამენტო არჩევნები საქართველოში არ იქნება“, – განაცხადა პაატა სალიამ.
ინფორმაციისთვის: “საქართველოს ხელისუფლებამ დაუყოვნებლივ უნდა გადადგას ნაბიჯები, რათა ამ კრიზისიდან გამოსავალი იპოვოს და ადამიანის უფლებების პატივისცემა უზრუნველყოს“, – ნათქვამია შვედეთის საგარეო საქმეთა სამინისტროს განცხადებაში.
