ანალიტიკოსი, ჟურნალისტი არჩილ გამზარდია თავის მოსაზრებებს გამოთქვამს საქართველოში ახალი საპარლამენტო არჩევნების შესაძლო დანიშვნასთან დაკავშირებით:
“ბიძინას სჭირდება ლეგიტიმაცია, თუ რუსულ-ამერიკული ფლირტი ცოტა გამყარდა, ბიძინამ არჩევნებიც შეიძლება დანიშნოს. ამგვარ სურათში, სადაც ჩვენს ძალაუფლებას იდეოლოგიურ-რელიგიური პროპაგანდისათვის კიდევ უფრო გაეხსნება გზა და იმის ფონზე, რომ ოპოზიციის რეპუტაცია კიდევ უფრო მცირე აღმოჩნდება, როგორ ფიქრობთ, ვინ გაიმარჯვებს ასეთ არჩევნებში? და რა წილით?
ბიძინა ვადამდელ არჩევნებს მხოლოდ იმ შემთხვევაში დანიშნავს, თუ საერთო გეოპოლიტიკური სურათი და ოპოზიციის უსუსურობის ნაზავი, ასევე ტოტალიტარული ძალაუფლებით შექმნილი საზოგადოებრივი ფაქტორები (არასახელისუფლებო მედიისა და ორგანიზაციების, პროტესტის შევიწროების და ა.შ.) “ქართულ ოცნებას” საკონსტიტუციო უმრავლესობის პირობას შეუქმნის.
ჯერ ხომ პარადოქსულად მოჩანს, რაც დავწერე, არადა რეალისტურია, განსაკუთრებით იმ შემთხვევაში თუ ოპოზიციური პოლიტიკური და მედია პარადიგმები არ შეიცვალა“, – წერს ფეისბუქის პირად გვერდზე არჩილ გამზარდია.
