ქვეყანაში ახალი არჩევნების დანიშვნასთან დაკავშირებით ოპოზიციაში გაკეთებულ შეფასებებსა თუ შეთავაზებებზე, რომ თუკი “ქართული ოცნება” პარტიის რეიტინგს მაღალ ნიშნულზე ხედავს და დარწმუნებულია გამარჯვებაში დანიშნოს არჩევნები, პასუხობს მთავრობის მეთაური ირაკლი კობახიძე:
“ასეთი სულელური აზრი მოსდით პოლიტიკოსებს, თუმცა ეს მათი უფლებაა, დემოკრატიაა საქართველოში.
ადამიანებს აქვთ უფლება სულელურ აზრებზეც.
რაც შეეხება რეიტინგებს. თუ ვინმეს უნდა რეიტინგის შემოწმება, ზუსტად 5 თვეში, საქართველოს პრეზიდენტი მიხეილ ყაველაშვილი, ჩემთან ერთად, დანიშნავს ადგილობრივი თვითმმართველობის არჩევნებს და ყველას შეუძლია გატესტოს საკუთარი რეიტინგი ამ არჩევნებში“, – განაცხადა ირაკლი კობახიძემ.
