“ქართულ ოპოზიციას არ აქვს არც ერთიანობის უნარი, არც კოორდინირების უნარი, არც ახალი ლიდერებით ძველის ჩანაცვლების უნარი…” – არჩილ გამზარდია

ანალიტიკოსის, ჟურნალისტის არჩილ გამზარდიას კრიტიკული შეფასებები ქართულ ოპოზიციასთან დაკავშირებით, ქვეყანაში არსებული რეალობის ფონზე:

“ქართულ ოპოზიციას არ აქვს არც ერთიანობის უნარი, არც კოორდინირების უნარი, არც ახალი ლიდერებით ძველის ჩანაცვლების უნარი, არც პოლიტიკური დინოზავრების პარტიული პოლიტიკიდან ჩამოცილების უნარი, არც ინდივიდუალური იდენტობით განვითარების უნარი.

საბედნიეროდ, ბელადებიც აღარ ჰყავს ოპოზიციას, მაგრამ საუბედუროდ არც ლიდერები ჰყავს.

მეტიც, ჩვენს ოპოზიციას თითქმის არ ჰყავს ოდნავ ავტორიტეტული და რეპუტაციული ადამიანები პარტიულ ელიტებში.

შესაბამისად, ჩვენს ოპოზიციას არ აქვს არც გავლენა, არც ნდობა, არც ავტორიტეტი და არც პრესტიჟი.

კიდევ რამე თუ დარჩა, ფაქტორი, რომელიც მეტ-ნაკლებად საიმედოდ მოჩანს და შეიძლება ავაგოთ ოპოზიციის პერსპექტივა, კარგი იქნება, რადგან ჩემთვის ეს ფაქტორები არ ჩანს.

დამატება: “ოცნეების” სახეებს ნუ შევადარებთ, იმათ ძალაუფლება აქვთ და სრულიად სხვა როლში არიან. კარგი ხალხის არსებობა ოპოზიციაში ისეა, ერთ სათლ სუფთა წყალს რომ ერთი მუჭა ტალახი აფუჭებს, ამაზეა სტატუსი სწორედ“, – წერს ფეისბუქის პირად გვერდზე არჩილ გამზარდია.