“მოდის გაზაფხული და მოდის ასევე თავისუფლება და ჩვენი ბრძოლა აუცილებლად დაგვირგვინდება წარმატებით” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი სასამართლო სხდომაზე კლინიკა ,,ვივამედიდან” ჩართვისას საუბრობს პოზიტიურ მოლოდინებზე და ასევე სოლიდარობას გამოხატავს ტელეკომპანია ,,მთავარის” ჟურნალისტების მიმართ:

,,მართალია ზამთარია ქუჩაში, მაგრამ მე დარწმუნებული ვარ, რომ მოდის გაზაფხული და მოდის ასევე თავისუფლება და ჩვენი ბრძოლა აუცილებლად დაგვირგვინდება წარმატებით, ამაში ვარ დარწმუნებული.

მე მინდა ვუთხრა ყველა, ეს არის მძიმე ბრძოლა, რა თქმა უნდა, ჩემი სრული სოლიდარობა ყველა პოლიტპატიმარს.

მე ასევე მინდა გამოვხატო ჩემი სოლიდარობა ტელევიზია ,,მთავარის” ჟურნალისტური კოლექტივის მიმართ, რომელიც დახურეს სხვადასხვა მანიპულაციებით.

მე მინდა ვთქვა რომ დიდი ტელევიზიების დრო დიქტატურის პირობებში და საერთოდ თანამედროვე პირობებში ბარდება წარსულს და ჩვენ ახლა უნდა ვიმუშავოთ იმაზე და რომ ახლა სოციალური ქსელების გამოყენებით მცირე ტელევიზიების შექმნის დროა“, – განაცხადა მიხეილ სააკაშვილმა.

ავტორი
მარიამ ხაჩირაშვილი