“ცოტა უხერხულად ჩანს 89 ქოცი + 12 გახარიელი პარლამენტში და მაინტერესებს რა ხდება” – ნინო ჯანგირაშვილი

სამი საპარლამენტო კოალიციური გაერთიანების 49 დეპუტატისთვის უფლებამოსილების ვადამდე შეწყვეტას ეხმიანება ტელეკომპანია “კავკასიას” გენერალური დირექტორი, ნინო ჯანგირაშვილი და კონკრეტულ შეკითხვას სვამს პარტია “გახარია საქართველოსთვის” გადაწყვეტილებასთან დაკავშირებით:

“მახსოვს, არჩევნების შემდეგ გახარიამ თქვა, ჩვენ როცა საჭიროდ ჩავთვლით მაშინ გამოვალთო არალეგიტიმური პარლამენტიდან.

ბოლო დროს ხომ არ დაუკონკრეტებია, როდის და რა შემთხვევაში შეიძლება ჩათვალოს საჭიროდ?

მე მისი ამომრჩეველი არ ვარ, მაგრამ საკუთარ ამომრჩეველს მაინც თუ აუხსნა სადმე, არ გამომაპაროთ. ცოტა უხერხულად ჩანს 89 ქოცი + 12 გახარიელი პარლამენტში და მაინტერესებს რა ხდება“, – წერს ფეისბუქის პირად გვერდზე ნინო ჯანგირაშვილი.