,,დაკავების დღიდან მე ვიცოდი, რომ ეს საქმეები ბოლოს მაინც სისხლის სამართლის საქმედ იქცეოდა“, – ასე ეხმიანება მის დაკავებას ,,კოალიცია – ცვლილებებისთვის” პოლიტიკური საბჭოს წევრი, დიმიტრი ბიძინაშვილი ,,ტვ პირველთან” ინტერვიუში და იხსენებს 2 თებერვალს აქციაზე, დაკავების დეტალებს:
,,ციხეში შესვლაც არ იყო იმ სიმძიმის, როგორც შეიძლება სხვამ წარმოიდგინოს. პირიქით, ისეთი თავისუფალი და ამაყი ცხოვრებაში არ ვყოფილვარ, როდესაც პირველად, ბრალის წარდგენის შემდეგ შემიყვანეს იზოლატორში.
ვხვდებოდი, რომ ეს არ იყო დანაშაული – ეს იყო სასჯელი, რომ თავისუფლებისთვის, ამ ქვეყნის ევროპული მომავლისთვის ვიბრძოდი და ეს იყო ჩემთვის პატივი.
გზის სავალ ნაწილზე საერთოდ არ ვყოფილვარ, ვიდექი კუთხეში, ზურგით ვიდექი პოლიციელებთან, რა დროსაც გოგა მემანიშვილმა დამიძახა სახელი, ინსტიქტურად მოვტრიალდი და ამ მოტრიალების შემდეგ მეუბნება, რომ იქით წავსულიყავი, საითაც ისედაც მივდიოდი და მობრუნებისთანავე, როდესაც მოვბრუნდი მაშინვე ნიღბიანები მეცნენ და დაიწყეს დაკავება. დაძახება იყო დაზუსტება, მართლა მე ვიყავი თუ არა.
დაზუსტებით იჭერდნენ ხალხს. ანუ რეჟიმი არჩევს ისეთ ადამიანებს, რომ ყველა სფეროში, ყველა ფენაში შევიდეს, რომ რაღაცნაირად შიში დათესოს“, – განაცხადა დიმიტრი ბიძინაშვილმა.
ავტორი
მარიამ ხაჩირაშვილი
