“სტრატეგია აღმაშენებლის” პოლიტაბჭოს წევრი ანა კობახიძე, სოციალურ ქსელში გამოქვეყნებული სტატუსით, საზოგადოებას მიმართავს და ქვეყანაში შექმნილი მდგომარეობის წინააღმდეგ პროტესტის გამოხატვის, ხმის ამოღებისკენ მოუწოდებს:
“მდუმარენო! (საბედნიეროდ, ჩემს ირგვლივ ბევრი არაა). თქვენთანაც მოვა უსამართლობა და ხმის ამომღები აღარავინ იქნება, იმიტომ რომ ან დაჭერილები ვიქნებით ან ამ ქვეყნიდან გადახვეწილები ისინი, ვინც უკომპრომისო ბრძოლაში ვიყავით და არაფრის ფასად არ მივეყიდეთ რუს ოლიგარქს.
შენთანაც მოვა სიღარიბე და ამაზე ხმას ვერ ამოიღებ, იმიტომ რომ ვერ გაბედავ ხმის ამოღებას და სიღატაკეში ჩაიხრჩობი, რუსებივით. თან პროპაგანდა დაგაჯერებს, რომ (ტვ ნადეჟდა სულ ცეკვა თამაშით) მსოფლიო კრიზისია და ყველა ქვეყანაშია ღარიბი.
შენთანაც მოვა ცენზურა, რომელიც მოგახრჩობს ბიძინა ანაკონდასავით და უბრალოდ მოკვდები, ფიზიკურადაც უფრო ადრე ვიდრე განვითარებულ ქვეყნებში კვდებიან ადამიანები.
უბედური იქნები ასეთ ქვეყანაში, მაგრამ შენს სიცოცხლეში დიქტატურას ვერ დაამარცხებ.
ამიტომ უნდა ამოიღო ხმა ახლავე!” – წერს ფეისბუქის პირად გვერდზე ანა კობახიძე.
