“ჩვენი ლოზუნგი უნდა იყოს: არ ვემორჩილებით რუსულ ტირანიას!” – კობა ხაბაზი

ოპოზიციონერი პოლიტიკოსი კობა ხაბაზი საპროტესტო მოძრაობის მნიშვნელობის თაობაზე საუბრობს:

“ან უბრალოდ სიტყვიერად ვაპროტესტებთ, ან დემონსტრაციულად არ ვემორჩილებით უკანონობას.

ჩვენ ვიცავთ საქართველოს კონსტიტუციას, ჩვენ ვიცავთ სიტყვის თავისუფლებას, ვიცავთ საქართველოს ევროატლანტიკურ მომავალს და აქედან გამომდინარე ნებისმიერი კანონი, რომელიც მიღებული იქნება უკანონო ხელისუფლების მიერ, იქნება უკანონო და უნდა გამოვუცხადოთ დაუმორჩილებლობა.

წინააღმდეგ შემთხვევაში ხვალ აგვიკრძალავენ რუსთაველზე შეკრებას, ზეგ ზოგადად მიტინგის ჩატარებას, შემდეგ სუნთქვას და ზოგადად არსებობის უფლებას.

ჩვენი ლოზუნგი უნდა იყოს: არ ვემორჩილებით რუსულ ტირანიას!” – წერს ფეისბუქის პირად გვერდზე კობა ხაბაზი.