საპროტესტო აქციებზე გაჟღერებულ ლოზუნგებთან დაკავშირებით კონკრეტული პრეტენზიები აქვს ანალიტიკოს ზაალ ანჯაფარიძეს:
“ზოგიერთებისგან განსხვავებით, საკუთარი თავი უშეცდომოდ არ მიმაჩნია და იქნებ გამარკვიოთ, ოპოზიციის ეს ახალი ლოზუნგი “არ იქნება სამართალი – არ იქნება მშვიდობა” მარტო მე მიმაჩნია პროვოკაციულად და აბსურდულად?!
ჯერ ერთი რა სამართალზე და ვის სამართალზეა საუბარი? მხოლოდ მათ სამართალზე? შეიძლება კი სამართალი დაერქვას იმას, რაც საზოგადოების ერთ მცირე ნაწილს მიაჩნია სწორად? რა თქმა უნდა არა!
თუმცა უკვე დიდი ხნის გამოცდილება გვაქვს, გარე რესურსებით ზურგგამაგრებული ეს პატარა “ბაბლი” როგორ ცდილობს საკუთარი “სამართლის” გატანას და უკვე მერამდენე წელია ქვეყანას არყევენ. ქართველი ხალხი კი მათ “სამართალს” არ იღებს“, – წერს ფეისბუქის პირად გვერდზე ზაალ ანჯაფარიძე.
