დღეს გამართული საკოორდინაციო საბჭოს სხდომის შემდეგ საზოგადოებას სხვადასხვა საკითხზე ესაუბრნენ სხდომის მონაწილეები. დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ სწრაფი ტესტების შესახებ ისაუბრა. პაატა იმნაძის აზრით კორონავირუსით დაავადებულის გამოსავლენად სწრაფი ტესტები განსაკუთრებით მნიშვნელოვანია ახლა, მით უფრო კარანტინის დროს:
“სწრაფი ტესტები არის ძალიან სხვადასხვაგვარი, ძირითადად მათი პასუხები არის ძირითადად სწრაფი 10-15 წუთი ან ნახევარი საათი შეიძლება დასჭირდეს, გააჩნია მწარმოებელს.
აქედან გამომდინარე, რა თქმა უნდა, სწრაფი ტესტები კარგია ხოლმე მასობრივი კვლევების დროს, როგორც მაგალითად ჩვენ შეიძლება დაგვჭირდეს იმ ორ რაიონში, სადაც კარანტინი გამოცხადდა და აქტიურად ვეძებთ შემთხვევებს.
ამიტომ, ასეთ შემთხვევებში სწრაფი ტესტები ჩვენთვის ძალიან მნიშვნელოვანი იქნება,” – განაცხადა პაატა იმნაძემ.
