“მზია ამაღლობელის განთავისუფლება ჩვენთვის არის ნომერ პირველი საკითხი, რაც უნდა მოხდეს უსწრაფესად” – გიორგი ვაშაძე

სტრასბურგითან ვიდეომიმართვისას, გამოცემების “ბათუმელების” და “ნეტგაზეთის” დამფუძნებლის, მზია ამაღლობელის პატიმრობიდან განთავისუფლების საკითხზე ისაუბრა “სტრატეგია აღმაშენებლის” ლიდერმა, გიორგი ვაშაძემ:

“მზია ამაღლობელის საკითხი დავსვით ევროსაბჭოს საპარლამენტო ასამბლეის პრეზიდენტთან შეხვედრაზე. მისი განთავისუფლება ჩვენთვის არის ნომერ პირველი საკითხი, რაც უნდა მოხდეს უსწრაფესად – დღეების, საათების ამოცანაა, ეს ძალიან კარგად გაიგო საპარლამენტო ასამბლეის პრეზიდენტმა და დაგვპირდა, რომ პირადად ჩაერთვებოდა ამ საკითხის მოგვარებაში.

ვისაუბრეთ ასევე სხვა საკითხებზეც, სხვა პოლიტიკური პატიმრებზე, რომლებიც, დღეის მდგომარეობით, სამწუხაროდ, ძალიან  ბევრი გვყავს ქვეყანაში.

სრული მხარდაჭერა საქართველოს და ქართველ ხალხს საპარლამენტო ასამბლეის პრეზიდენტის მხრიდან!” – განაცხადა გიორგი ვაშაძემ.