პარტია “კანონი და სამართლის” თავმჯდომარე, ოპოზიციონერი პოლიტიკოსი თაკო ჩარკვიანი გამოცემების “ბათუმელების” და “ნეტგაზეთის” დამფუძნებლის, მზია ამაღლობელის პატიმრობას და შიმშილობის ფაქტს, “ქართული ოცნების” ხელისუფლების მიმართ მწვავე შეფასებებით ეხმაურება:
“რა სირცხვილია, 17 დღე ქალი – მზია ამაღლობელი შიმშილობს, მთელი ქვეყანა გულშემატკივრობს, ვღელავთ, ადგილს ვერ პოულობს ადამიანი, აღარ იციან ადამიანებმა რა უკიდურეს საპროტესტო ფორმას მიმართონ…
ამ “ოცნების” ხელისუფლებას მიჰყავს უკიდურესობამდე პროცესი… ყველაფერს რომ თავი დავანებოთ, უკანონობას, შერჩეულ სამართალს, ყველაფერს, რა კაცია და ვინ არის ეს პოლიციელი, მთელი ცხოვრება თავზე ლაფდასხმულმა თითით საჩვენებელ საცოდაობად, უბადრუკობად რომ უნდა იაროს?! რატომ უნდა მოიქცე ადამიანი და მამაკაცი ასე, შენს თავს რატომ უნდა მოექცე ასე და როგორ უნდა დაეშვა ფსკერზე?!
რა გახდა, ეს რა ჩაციებაა მანიაკური, უნდა მოკვდეს მაინცდამაინც ადამიანი?! გაათავისუფლეთ სასწრაფოდ მზია ამაღლობელი, ბოლომდე ნუ იჭრით თავს და ნუ ატალახიანებთ კიდევ უფრო, საკუთარ სიცოცხლეს!!!” – წერს ფეისბუქის პირად გვერდზე თაკო ჩარკვიანი.
