“მადლობა თეატრს, მაგრამ ეს არის ის, რასაც ოპოზიცია უნდა აკეთებდეს” – ნიკო მანაგაძე

სტუდენტური მოძრაობა თავისუფლებისთვის დამფუძნებელი, ნიკო მანაგაძე სოციალურ ქსელში სტატუსს აქვეყნებს და ოპოზიციას აქტიურობისკენ მოუწოდებს:

,,მადლობა თეატრს, მაგრამ ეს არის ის, რასაც ოპოზიცია უნდა აკეთებდეს:

წადით მეგობრებო რეგიონებში, წადით და ელაპარაკეთ ხალხს.

არავის დაუწესებია, რომ ხალხში სიარული მხოლოდ არჩევნებამდე 2 თვით ადრე შეგიძლიათ და დანარჩენი დრო მხოლოდ ეკრანებიდან უნდა ეკომუნიკაციოთ (მით უმეტეს, როცა იცით, რომ ბევრი მათგანი სამთავრობო არხების “ბრჭყვიალა კონტენტის” მაყურებელია).

თქვენი როლი ახლა საუკეთესოდ ამაში შეგიძლიათ გამოკვეთოთ.

თბილისში ქუჩას ხალხი ამაგრებს, ამაზე ნუ იდარდებთ.

p.s. ან აღარ გავწელოთ დრო და დროულად გადავიდეთ ქუჩაში პროაქტიურ მოქმედებაზე, ხალხის ნების დემონსტრაციულად უგულვებელმყოფელი რეჟიმის აქტიურ და მწვავე პრესინგზე”, – წერს ნიკო მანაგაძე.

ავტორი
მარიამ ხაჩირაშვილი