ტელეკომპანია “კავკასიას” გენერალური დირექტორი, ნინო ჯანგირაშვილი მთავრობის მეთაურ, ირაკლი კობახიძის კონკრეტულ ინიციატივებზე ამახვილებს ყურადღებას, რასაც რუსეთის ინტერესის გატარებად მიიჩნევს:
“ბოროტი ჩიჩილაკი დროს არ კარგავს და რუსეთის ოცნებებს ასრულებს. ბრიფინგზე 2 პროექტზე ილაპარაკა – ახალი სტადიონი და ახალი აეროპორტი. დააბრუნა ისევ დროებით დაპაუზებული თემები. ლოკაცია აღარ დააკონკრეტა, ჰოლანდიური კომპანია დაადგენსო ლოკაციას, მაგრამ მშვენივრად ვიცით რა ლოკაციაც იქნება – ვაზიანი.
სინამდვილეში სტადიონიც და აეროპორტიც ფეხებზე კიდია. რუსი კობახიძის და რუსი ივანიშვილის მიზანი რეალურად ვაზიანის სამხედრო აეროდრომის და ვაზიანის სამხედრო ბაზის გაუქმებაა, ვითომ დიდებული მიზნების – სპორტის და ტურიზმის განვითარების საბაბით.
მჯერა, რომ ვერ მოასწრებენ და მანამდე ავაცმევინებთ აქედან, სანამ ჩვენი უსაფრთხოების ერთ–ერთ მთავარ კომპონენტს გაანადგურებენ!” – წერს ფეისბუქის პირად გვერდზე ნინო ჯანგირაშვილი.
