ვაშინგტონიდან, დონალდ ტრამპის ინაუგურაციაზე, აშშ “რესპუბლიკური პარტიის” მიწვევით მყოფი “სტრატეგია აღმაშენებლის” თავმჯდომარე, გიორგი ვაშაძე პოლიტიკურ განცხადება-შეფასებებს აკეთებს და პოზიტიურ მოლოდინებზე საუბრობს:
“მოგესალმებით ამერიკიდან, ვაშინგტონიდან. ვიმყოფები დონალდ ტრამპის ინაუგურაციაზე, რესპუბლიკური პარტიის მოწვევით.
ბევრი რამე შეიცვლება მსოფლიოში, ამერიკის პოლიტიკა გახდება უფრო შედეგზე ორიენტირებული. ჩვენ აქ იმიტომ ვართ, რომ საქართველო იყოს განხილვების პირველ განრიგში. ჩვენი პროტესტის, ერთიანობის გამო ძალიან დიდი მხარდაჭერა გვექნება, ამაში დარწმუნებული ვარ. აბსოლუტურად ყველგან გვაქვს საუბრები პოლიტპატიმრების განთავისუფლებაზე და ახალ არჩევნებზე, როგორც კრიზისიდან გამოსავალზე.
მე დარწმუნებული ვარ, რომ დღეიდან გაცილებით ეფექტური, შედეგზე ორიენტირებული იქნება ნაბიჯები ამერიკიდან. და რაც მთავარია, მძიმე ბედი ელით დემოკრატიის და ამერიკის მტრებს, მათ შორის, ივანიშვილს და “ქართულ ოცნებას”.
ასე, რომ წინ გამარჯვებისკენ, გვექნება სრული მხარდაჭერა და დარწმუნებული ვარ შედეგზეც გავალთ. ძალა ერთობაშია!” – განაცხადა გიორგი ვაშაძემ.
