საქართველოს პარლამენტში შეიქმნა 9 წევრისგან შემდგარი საყოველთაო-სახალხო განხილვის საორგანიზაციო კომისია

ხელისუფლებასა და ოპოზიციას შორის მიღწეული შეთანხმების შესაბამისად მომზადდა საკონსტიტუციო ცვლილებების პაკეტი. კონსტიტუციის თანახმად ერთი თვის განმავლობაში უნდა მოხდეს ამ ცვლილებების საერთო-სახალხო განხილვა. შესაბამისად, საქართველოს პარლამენტის რეგლამენტის 125-ე მუხლის პირველი–მე-3 პუნქტების შესაბამისად შეიქმნა საყოველთაო-სახალხო განხილვის საორგანიზაციო კომისია 9 წევრისაგან, შემდეგი შემადგენლობით:

ა) არჩილ თალაკვაძე – საქართველოს პარლამენტის თავმჯდომარე (კომისიის თავმჯდომარე);

ბ) მამუკა მდინარაძე – საქართველოს პარლამენტის თავმჯდომარის მოადგილე, საპარლამენტო უმრავლესობის ლიდერი;

გ) ირმა ინაშვილი – საქართველოს პარლამენტის თავმჯდომარის მოადგილე;

დ) სერგი კაპანაძე – საქართველოს პარლამენტის თავმჯდომარის მოადგილე;

ე) მარიამ ჯაში – საპარლამენტო ფრაქცია „დამოუკიდებელი დეპუტატების“ თავმჯდომარე;

ვ) ირაკლი კობახიძე – საქართველოს პარლამენტის წევრი;

ზ) თინათინ ბოკუჩავა – საქართველოს პარლამენტის წევრი;

თ) თენგიზ შარმანაშვილი – საქართველოს პარლამენტის თავმჯდომარის მრჩეველი;

ი) თორნიკე ჭეიშვილი – საქართველოს პარლამენტის თავმჯდომარის მრჩეველი (კომისიის მდივანი).