“ეს მორიგი ტრიუკის ჩატარების მცდელობაა, რისი მიზანიც სავსებით ცხადია” – გია ხუხაშვილი ბიძინა ივანიშვილის კონკრეტულ მიზანსა და გეგმებზე

ანალიტიკოსი გია ხუხაშვილი “ქართული ოცნების” საპატიო თავმჯდომარის, ბიძინა ივანიშვილის კონკრეტულ მიზანსა და გეგმებზე საუბრობს:

“ორიოდე სიტყვა ბიძინას გზავნილზე, რომ ყაველაშვილის ინაუგურაციის შემდეგ ყველაფერი დაწყნარდება და მშვიდობა და ბედნიერება დაისადგურებს.

ვინც ოდნავ დაფიქრდება, მიხვდება, რომ ეს მორიგი ტრიუკის ჩატარების მცდელობაა, რისი მიზანიც სავსებით ცხადია:

მას ახლა ყველაზე მეტად სისტემის ჩამოშლის ეშინია, ამიტომ ისტერიულად ცდილობს საკუთარი “უძლეველობის, სიბრძნის და წინასწარმეტყველური უნარების” მითოლოგიის ნარჩენების მეშვეობით ახალი თარიღი დაკიდოს -“კიდევ ცოტა მაცადეთ ხალხნო”-ს პრინციპით, იმის იმედად, რომ 29-დან საცივში ჩავყოფთ თავს და დამატებით კიდევ ერთ თვეს მოიგებს…

აი, ამ პოლიტიკური თაღლითობით არის დღეს დაკავებული, რათა ასე აგორაოს და აგორაოს ეს ქვეყანა, სანამ კრემლის კედელთან არ მიაგორებს…“, – წერს ფეისბუქის პირად გვერდზე გია ხუხაშვილი.