არასამთავრობო ორგანიზაცია „პოსტერუმ ქუთაისი“ მოხალისეობრივ აქციას ატარებს და მოსახლეობას კორონავირუსის გავრცელების პრევენციისა და ვირუსული ინფექციისაგან თავდაცვის მიზნით სპეციალურ სარეკომენდაციო საინფორმაციო ბუკლეტებს ურიგებს. აქციის მონაწილეები ცდილობდნენ მოსახლეობისათვის აეხსნათ, რომ მეტი სიფრთხილით და ყურადღებით მოეკიდონ ვირუსთან ბრძოლის და გამკლავების მეთოდებს.
ორგანიზაციის ინფორმაციით, აქციის მონაწილეების მიზანია, რომ მოსახლეობა კორონავირუსთან გამკლავებას უფრო დიდი ყურადღებითა და სიფრთხილით მოეკიდოს. ასევე ცნობილია, რომ არასამთავრობო ორგანიზაციის „პოსტერუმ ქუთაისის“ წევრები გააგრძელებენ მოსახლეობის ინფორმირებას სხვადასხვა აქციებით.
„გადავწყვიტეთ, ამ ფორმით მივაწოდოთ მოსახლეობას ინფორმაცია. მათ დავურიგეთ ბუკლეტები, რომელზეც დეტალურად წერია, როგორ უნდა დაიცვან თავი. ეს აქცია სხვადასხვა ფორმით გაგრძელდება,“ – განაცხადეს ორგანიზაციის წევრებმა.
ავტორი
თამთა ასლანიშვილი
