პარლამენტის პირველი ვიცე-სპიკერი, გია ვოლსკი ოპოზიციის ერთ-ერთ აქტიურ წევრს, “სამართალდამცველთა რეფორმირების ცენტრის” ხელმძღვანელს ზვიად კუპრავას ფიზიკურ შეურაცხყოფას ეხმაურება და ამბობს, რომ კუპრავა აღარავის ახსოვდა და გადაწყვიტეს, რომ ეცემათ და ხელისუფლებისთვის დაებრალებინათ.
“ზვიად კუპრავა არავის აღარ ახსოვს. მოდი, გავლახოთ მაინც იფიქრეს და დავაბრალოთ ქართულ ოცნებას. თუ ვინმეს აწყობდა დღეს ასეთი განცხადებების გაკეთება, მითუმეტეს გამოუსადეგარი ზვიად კუპრავას გალახვა, ეს არის სწორედ ის პარტია, რომელსაც წარმოადგენს ხმამაღლა მოყვირალი ქალბატონი“, – განაცხადა გია ვოლსკიმ
ცნობისათვის: დღეს, 28 თებერვალს ზვიად კუპრავას თავს დაესხნენ. მას საცხოვრებელ სახლთან დახვდნენ, სახეში უცნობი ნივთიერება შეასხეს და ფიზიკურად გაუსწორდნენ, რის შედეგადაც დაზიანებები თავის არეშე აქვს მიყენებული.
ავტორი
ბეჟან ბერულავა
