30 აგვისტოს ბანკთაშორისი ვაჭრობის შედეგად, საქართველოს ეროვნულმა ბანკმა ლარის ახალი კურსი დაადგინა უცხოურ ვალუტებთან მიმართებაში, რომელიც ძალაში იქნება 31 აგვისტოდან 3 დღის განმავლობაში.
აგვისტო ისევ ეროვნული ვალუტის რყევებით მიმდინარეობდა, თუმცა ბოლო კვირაში ცალკეულ უცხოურ ვალუტასთან მიმართებაში სახეზე იყო გამყარების ნიშნები. კერძოდ, აშშ დოლართან მიმართებაში ბოლო კვირის 4 ვაჭრობის შედეგად განისაზღვრა შემდეგი კურსი კონკრეტული დღეებისთვის:
27 აგვისტო – 2.6998;
28 აგვისტო – 2.6990;
30 აგვისტო – 2.6920.
ეროვნული ვალუტა ბოლო ვაჭრობაზე, მცირედით, თუმცა ისევ გამყარდა, 0.0009 ლარით და 1 აშშ დოლარი 31 აგვისტოდან 3 დღის განმავლობაში 2.6911 ლარი ეღირება.
ანალოგიური სიტუაცია იყო ევროსთან მიმართებაშიც. კერძოდ, ბოლო კვირის 4 ვაჭრობის შედეგად ლარის შემდეგი კურსი განისაზღვრა კონკრეტული დღეებისთვის და 1 ევრო ღირდა:
27 აგვისტო – 3.0159;
28 აგვისტო – 3.0134;
30 აგვისტო – 2.9865.
ანალოგიურად, ეროვნული ვალუტა, ევროსთან მიმართებაში, ბოლო ვაჭრობაზე მნიშვნელოვნად გამყარდა, 0.0056 ლარით და 31 აგვისტოდან 3 დღის განმავლობაში 1 ევრო ეღირება 2.9809 ლარი.
სხვა ვალუტებთან მიმართებაშიც მეტნაკლებად ანალოგიური მდგომარეობა გამოიკვეთა. კერძოდ, ცალკეულ ვალუტასთან მიმართებაში, ლარის შემდეგი კურსი დაფიქსირდა (წინა ვაჭრობის კურსთან შედარებით), რაც იქნება 31 აგვისტოდან 3 დღის განმავლობაში:
1 დიდი ბრიტანეთის გირვანქა სტერლინგი – 3.5447 ლარი (გამყარდა 0.0069 ლარით);
1 თურქული ლირა – 0.0790 ლარი (უცვლელად დარჩა);
10 უკრაინული გრივნა – 0.6554 (გაუფასურდა 0.0020 ლარით);
1 აზერბაიჯანული მანათი – 1.5823 ლარი (გამყარდა 0.0021 ლარით);
1000 სომხური დრამი – 6.9424 ლარი (გაუფასურდა 0.0310 ლარით);
1 შვეიცარიული ფრანკი – 3.1697 ლარი (გამყარდა 0.0214 ლარით);
10 ჩინური იუანი – 3.7953 ლარი (გაუფასურდა 0.0009 ლარით);
100 ინდური რუპია – 3.2086 ლარი (გამყარდა 0.0012 ლარით);
10 ისრაელის შეკელი – 7.4117 ლარი (გაუფასურდა 0.0713 ლარით);
100 იაპონური იენი – 1.8531 ლარი (გამყარდა 0.0091 ლარით).
რუბლთან მიმართებაში, აგვისტოში პროცესი დინამიური გამყარებისა და სტაბილიზაციის ეტაპზე გადავიდა. კერძოდ, ბოლო კვირის 4 ვაჭრობის შედეგად, კონკრეტული დღეებისთვის, 100 რუსულ რუბლთან მიმართებაში შემდეგი კურსი განისაზღვრა:
27 აგვისტო – 2.9390;
28 აგვისტო – 2.9645;
30 აგვისტო – 2.9509.
ლარი ბოლო ვაჭრობაზე უმნიშვნელოდ გაუფასურდა, 0.0046 ლარით 100 რუსულ რუბლზე და შესაბამისად, 31 აგვისტოდან 3 დღის განმავლობაში, 100 რუსული რუბლი ეღირება 2.9555 ლარი.
ლარის კურსი – ადრინდელი მონაცემები
წყარო: საქართველოს ეროვნული ბანკი
