პარლამენტის წევრი, ,,პარტია ,,ლელო საქართველოსთვის” პოლიტიკური მდივანი, სალომე სამადაშვილი ჟურნალისტებთან კომენტარს აკეთებს მისი კოლეგის, ირაკლი კუპრაძის დაკავების ფაქთან დაკავშირებით:
,,ამ პარლამენტში როგორც კი იწყებ საუბარს იმაზე, რაც ქართველ ხალხს აწუხებს, რუსი პარლამენტის თავმჯდომარე, შალვა პაპუაშვილი მიკროფონს გითიშავს და დარბაზიდან გაძევებს.
ჩემი შეკითხვა გომელაურთან არის შემდგომი – როდესაც სცემეს, დააპატიმრეს ადამიანები, მათ შორის – სცემეს, სასტიკად სცემეს და დააპატიმრეს ჩემი კოლეგა, ,,ლელოს” გენერალური მდივანი, ირაკლი კუპრაძე.
გუშინ სასამართლოზე, ამ სამარცხვინო კაცის, რომელიც საქართველოს ისტორიაში დიდი შანსი აქვს შევიდეს არა როგორც გომელაური, არამედ როგორც როდიონოვი, მისმა უწყებამ ვერ წარმოადგინა ვერცერთი საბუთი, რას აშავებდა ირაკლი კუპრაძე, როდესაც დააგდეს მიწაზე, სცემეს და დააპატიმრეს.
დღეს პარლამენტში არ შემოგვატანინეს ფოტომასალა, რომელიც ასახავს, როგორ ჰყავდა ძირს დაგდებული პოლიციას ირაკლი კუპრაძე და როგორ ურტყამდნენ. პაპუაშვილი ფოტო მასალის შემოტანის უფლებას არ იძლევა პარლამენტში. როდესაც კითხვებზე პასუხი არ აქვთ, დარბაზიდან აძევებენ ოპოზიციონერ დეპუტატებს”, – განაცხადა სალომე სამადაშვილმა
ინფორმაციისთვის: პარლამენტში შს მინისტრის, ვახტან გომელაურის მოსმენა მიმდინარეობს, რა დროსაც სალომე სამადაშვილს სხდომა დარბაზი დაატოვებინეს.
ავტორი
ნინი ხიჯაკაძე
