„სირცხვილიას“ ერთ-ერთი ორგანიზატორი და „რესპუბლიკური პარტიის“ ერთ-ერთი ლიდერის დავით ბერძენიშვილის შვილი ზუკა ბერძენიშვილი, ოლიმპიურ და მრავალგზის მსოფლიო ჩემპიონს ლაშა ტალახაძეს, სოციალური ქსელის მეშვეობით მიმართავს და უმწვავესად აკრიტიკებს. ბერძენიშვილის განრისხება იმ ფოტომ გამოიწვია, სადაც ტალახაძე გიორგი გახარიასთან ერთად არის აღბეჭდილი.
ზუკა ბერძენიშვილის „ფეისბუქ“-სტატუსს უცვლელად გთავაზობთ:
“ადამიანად თუ არ ვარგიხარ, რა ჯანდაბად მინდა შენი მიღწევები და ჩინ-მედლები. ბავშვებმა უნდა შემოგხედონ, მაგალითი უნდა აიღონ, ეგეთი უზნეო თუ ხარ, მირჩევნია ვერაფერს მიაღწიო ცხოვრებაში, რომ მახინჯი გავლენაც ვერავიზე გქონდეს…
მოძალადისთვის მიჩენილი ადგილი გაცილებით მნიშვნელოვანია ჩვენი ქვეყნისთვის და მისი მომავლისთვის, ვიდრე თუნდაც ოლიმპიადაზე გაჟღერებული საქართველოს ჰიმნი. თორე ეგრე სიმძიმე ჩემი მეზობელი კოსტას მხრებზე უნდა ნახო, მარა რა უნდა შესთავაზონ რო გახარიას ამოუდგეს გვერდში გაბადრული.
კაშიას ერთი სუფთა ვარდნა რომ მირჩევნია ტალახაძის ყველა აქამდე დამყარებულ თუ აწი დასამყარებელ რეკორდს, მაგას მოგახსენებთ. და თუ ვინმე ვერ აცნობიერებს ამისთანას მაინც რას ვერჩი, იმ გულისამრევი ფოტოს (იმდენად, რომ არც ვაზიარებ) ქვეშ Natia Letodianiს მიერ დასმულ შეკითხვას გავიმეორებ:
კაია ორი თვალით ცხოვრება ბიჯებო?!” – წერს ზუკა ბერძენიშვილი.
ავტორი
ანა თათანაშვილი
