,,ერთიანი ნაციონალური მოძრაობის” ახალგაზრდული ორგანიზაციისა და სტუდენტური მოძრაობა ,,ნაბიჯის” ორგანიზებით, საქართველოს მთავრობის კანცელარიასთან, საპროტესტო აქცია გაიმართა. სააგენტო ,,პარალელთან’’ კომენტარში, სტუდენტური მოძრაობა ,,ნაბიჯის” ერთ-ერთი დამფუძნებელი და აქციის ორგანიზატორი დავით ჩხობაძე, ეხმიანება ირაკლი კობახიძის მთავრობის პირველ სხდომას და მწვავე შეფასებებს აკეთებს პრემიერ-მინისტრის მიმართ:
,,დღეს, ჩვენ აქ მოვედით იმიტომ, რომ კობახიძეს შევახსენოთ, რომ ის არის ცუდი კაცი და ის არ არის პატრიოტი ქართველი ადამიანი, როგორადაც მას თავი მოაქვს. ის არის ერთი ქართველი მშიშარა, რომელიც ქართველობს და არც არის ქართველი ადამიანი. ის არის იდენტობით რუსი ადამიანი.
ამავდროულად, ჩვენ გვინდა საზოგადოებას შევახსენოთ, რომ ირაკლი კობახიძე ვერ შედის უნივერსიტეტში დაცვის გარეშე, ის ვერ ატარებს ლექციას და ირაკლი კობახიძეს სტუდენტები რუბლებს აყრიან. ასეთი ადამიანი გახდა პრემიერი, ამიტომ ეს არის საშიში, რადგან ის არის მანიაკი, რომელიც ცდილობს, რომ იყოს კაცი, იყოს პრემიერი, მაგრამ ის ვერც კაცი ვერ იქნება და ვერც პრემიერი.
ამიტომ, ეს აქცია გაიმართება და ჩვენ გავაგებინებთ მას, რომ ის არ არის ამ ქვეყნის პატრიოტი პრემიერი, ის არის ივანიშვილის ერთ-ერთი მონა, რომელიც გადმოანაცვლა ოლიგარქმა, რომ 2024 წლის არჩევნებში გაიმარჯვონ, მაგრამ ეს ყველაფერი ჩემი აზრითა და რწმენით იქნება ქართველი ხალხის ნება, რომ ,,ქართული ოცნება” 2024 წლის 26 ოქტომბერს აუცილებლად შეიცვლება“, – განაცხადა დავით ჩხობაძემ.
ავტორი
მარიამ ხაჩირაშვილი
