ადამიანის უფლებათა საერთაშორისო სასამართლოს გადაწყვეტილებას ეხმაურება ოპოზიციონერი პოლიტიკოსი გიგი უგულავა და კონკრეტულ განმარტებებს აკეთებს მის მიმართ წარმოებულ საქმეებთან დაკავშირებით:
“კარგი ახალი ამბავი სტრასბურგიდან:
ადამიანის უფლებათა საერთაშორისო სასამართლომ ჩემს მიმართ კონვენციის მე-6 მუხლის – სამართლიანი სასამართლოს უფლება – დარღვევა დაადგინა. დაადგინა მოსამართლე თადუმაძის მიმართ ინტერესთა კონფლიქტი, როცა ის ჩემ საქმეზე პროკურორიც იყო და მოსამართლეც.
შეგახსენებთ 2020-ში, პოლიტიკური კრიზისის დროს, თადუმაძის ხელმძღვანელობით, უზენესმა სასამართლომ შეცვალა წინა ინსტანციების გადაწყვეტილება და დამაკავა. მწვავე საერთაშორისო პროტესტის შემდეგ პრეზიდენტი ზურაბიშვილი იძულებული გახდა შევეწყალებინე.
ეს ჩემი მეორე სარჩელია. პირველიც მოვიგე, რომელიც ჩემს 2014-ში დაკავებას ეხებოდა.
ასე რომ სამართალი ურმით დადის, მაგრამ ადრესატამდე მაინც მიდის. კიდევ ერთხელ გამოჩნდა, რომ ჩვენი სასამართლო სისტემა სამწუხაროდ ოლიგარქის შაპიტოა.
განსაკუთრებული მადლობა ჩემს ადვოკატს სანდრო ბარამიძეს“, – წერს გიგი უგულავა ფეისბუქის პირად გვერდზე.
