“კარგია, რომ საზოგადოება არის ინიციატორი, ეს არასამთავრობო ორგანიზაციები და არა პოლიტიკური პარტიები” – გიული ალასანია მიხეილ სააკაშვილის საქმის გამოძიებაზე

საქართველოს მე-3 პრეზიდენტის მხარდასაჭერად სამოქალაქო სექტორმა დოკუმენტი შეადგინა, სადაც უკრაინის ხელისუფლებას მიმართავს, მიხეილ სააკაშვილის უფლებების დარღვევების გამოვლენის მიზნით, გამოძიების ჩატარებასთან დაკავშირებით. აღნიშნულ ინიციატივას სხვადასახვა სექტორის წარმომადგენლები შეუერთდნენ და ხელი მოაწერეს. თემასთან დაკავშირებით კომენტარი გააკეთა მიხეილ სააკაშვილის დედამ, გიული ალასანიამ:

,,კარგია, რომ საზოგადოება არის ამის ინიციატორი, ეს არასამთავრობო ორგანიზაციები და არა პოლიტიკური პარტიები. თუმცა, მე ვფიქრობ, რომ ყველა არის გულშემატკივარი და რაღაც მონაწილეობა, ალბათ, იქნება.

ჩვენ გვახსოვს ზელენსკის განცხადებაც, სადაც საქართველოს ხელისუფლებას თხოვნით მიმართეს, რომ მათი მოქალაქე გადაეცათ, მაგრამ უარია, როგორც ჩანს, აქედან“, – განაცხადა გიული ალასანიამ.

ავტორი
ნინი ხიჯაკაძე