ოკუპირებული ცხინვალის ე.წ. პრეზიდენტმა, ალან გაგლოევმა განაცხადა, რომ სამხრეთ ოსეთის რუსეთთან შეერთების საკითხი დღის წესრიგიდან არ მოხსნილა.
თემასთან დაკავშირებით ჟურნალისტებთან კომენტარი გააკეთა პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ:
,,ვინ არის? რა გაგლოევის მუქარებს უსმენთ, ხალხნო?! თქვენ ხართ საქართველოს სახელმწიფოს მოქალაქეები.
მთელი მსოფლიო აღიარებს, ვაღიარებთ და ყველამ იცის, რომ ოკუპირებულია. რა გაგლოვები და ვის ამბობთ?! – დროებითი ვიღაც მარიონეტები არიან. მათ განცხადებას არც მაშინ ვაქცევდით ყურადღებას და არც ახლა მივაქცევთ.
ესეთი მუქარები მილიონი ყოფილა. ესეთი მუქარები ჩვენთვის არაფერს წარმოადგენს. იმიტომ, რომ ჩვენ მკაფიო ხედვა და გზა გვაქვს, რომ მშვიდობით დავიბრუნოთ ერთმანეთი. ხოლო ესენი – შარშანდელი თოვლივით გაქრებიან, ვინც ამ მარიონეტულ ხელისუფლებებს წარმოადგენენ“, – განაცხადა ირაკლი ზარქუამ.
ავტორი
ნინი ხიჯაკაძე
