საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი, ბეჟან ჯავახია, პრეზიდენტ სალომე ზურაბიშვილს, სოციალური ქსელის მეშვეობით მიმართავს:
,,არ მიმაჩნია სწორად ადამიანის დამუნათება ან რაიმე პრობლემაზე ნიშნის მოგებით საუბარი, ამდენად მინდა სწორად გამიგოთ. მინდა, მივმართო ქალბატონ პრეზიდენტს, რომ უნდა მიიღოს ზუსტი და სწორი გადაწყვეტილებები, თანაც დროულად. პრეზიდენტმა სწორად გადალახა უკვე ყველა ის პრობლემა, რაც მას დააბრუნებს თავის წინაპართა ჭეშმარიტ გზაზე და ეს ჩვენს ისტორიას გააერთიანებს. ბრძოლა უნდა იყოს უკომპრომისო და წრფელი.
ქალბატონმა პრეზიდენტმა უნდა გამოიყენოს ყველა მის ხელთ არსებული სახელმწიფო და კანონიერი რესურსები.
მართალია, დაშვებული შეცდომები ბევრია, მაგრამ მთავარი ახლა და ამ წუთში მიღებული გადაწყვეტილებები იქნება… ისტორია თქვენგან ამას მოითხოვს. პირველ რიგში, უნდა გაათავისუფლოს პუტინის ტყვე საქართველოს პრეზიდენტი მიხეილ სააკაშვილი, არ უნდა დატოვოთ საპყრობილეში ახალგაზრდა ლაზარე გრიგორიადისი, არც მამა გიორგი მამალაძე და სხვა უკანონოდ დაპატიმრებულნი.
მე ერთხელ უკვე გამოვთქვი ეს ჩემი მოსაზრება პრეზიდენტის რეზიდენციის წინ. ახლა, ისევ მინდა გავიმეორო ეს თხოვნა. თუ ევროპის კარზე დავაკაკუნეთ და მათ გაგვიხსნეს კარი, ახლა ჩვენი ჯერია… დიახ, ახლა თქვენ შეგიძლიათ მეტი ენერგიით შეებრძოლოთ იმ უსამართლობას, რაც თქვენც განიცადეთ საკუთარ თავზე…“, – წერს ბეჟან ჯავახია.
ავტორი
ნინი ხიჯაკაძე
