,,ერთიანი ნაციონალური მოძრაობის’’ პოლიტიკური მდივანი, გია ბარამიძე ჟურნალისტებთან პოლიტიკურ შეფასებას ახდენს საოკუპაციო ხაზთან შექმნილ მდგომარეობასთან დაკავშირებით და ხელისუფლებას უმოქმედობაში ადანაშაულებს:
,,როცა ეროვნული ხელისუფლება იქნება, მაშინ იქნება პრინციპული, ამავდროულად, არ გაღიზიანების პოლიტიკა და არა ის პოლიტიკა, რაც აქვს ამ ხელისუფლებას – ოკუპაციასთან შემრიგებლური, ოკუპაციაზე თვალის დახუჭვის, ოკუპანტთან თანამშრომლობის ანუ კოლაბორაციონისტული და საქართველოს ეროვნული ინტერესების ღალატის პოლიტიკა.
ბოდიშს ვიხდი, ჩვენი ხალხის, ოკუპაციის ხაზის გასწვრივ მცხოვრები ხალხის ინტერესების, უსაფრთხოების, ეკონომიკური პრობლემების ფეხებზე დაკიდების პოლიტიკაა, რასაც ეს რეჟიმი აწარმოებს‘’, – განაცხადა გია ბარამიძემ.
ინფორმაციისთვის: ანტისაოკუპაციო მოძრაობის “ძალა ერთობაშიას” დამფუძნებლის, დავით ქაცარავას მიერ გავრცელებული ინფორმაციით ცნობილი ხდება, რომ მცხეთა-მთიანეთის რეგიონში, სოფელ ციგრიანის მახლობლად, გაჩნდა ახალი საოკუპაციო ბანერი. აღსანიშნავია რომ ეს, საქართველოს ამ რეგიონში, მცოცავი ოკუპაციის პროცესის პირველი ფაქტია.
ავტორი
მარიამ ხაჩირაშვილი
” – თემურ ჯანაშია