საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე კიდევ ერთხელ ეხმაურება რუსი საოკუპაციო ძალების მიერ მოკლული თამაზ გინტურის ფაქტს:
“თამაზ გინტურის მსგავს ადამიანებს ვერ გავუფრთხილდით. ჩვენ ასეთ ხალხს ვერ გავუფრთხილდით. ეს არის იმ ბევრი გულანთებული ადამიანიდან ერთ-ერთი, რომლის გაფრთხილებასაც ვცდილობდი, წინასწარ ვთქვი, რა შედეგი შეიძლება მოჰყვეს დაუფიქრებელ ნაბიჯებს. ძალიან ვწუხვარ, რომ ამ კაცს ეს საფრთხე ვერ ავარიდეთ.
ეს არის დიდი ტკივილი, ეს არის კიდევ ერთი ტრაგედია, საქართველოს ტერიტორიების უსამართლო ოკუპაციას არაერთი ასეთი ტრაგედია მოჰყვა. ასეთი ვაჟკაცური გული, ასეთი ვაჟკაცი ამას იოლად ვერ აიტანს. ღმერთმა ქნას, რომ ეს ბოლო იყოს. ყველას ვუსამძიმრებ“, – აცხადებს დეკანოზი ანდრია ჯაღმაიძე.
კომენტარები - დატოვეთ თქვენი მოსაზრება
