“ჩვენ ავირჩიეთ ეს სამართლებრივი გზა იმისათვის, რომ ქვეყანაში დავაბრუნოთ ყველა დონეზე საკონსტიტუციო წესრიგი” – ირაკლი ქადაგიშვილი პრეზიდენტის იმპიჩმენტის პროცედურაზე

საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი კომენტარს აკეთებს ,,ქართული ოცნების” პოლიტიკური საბჭოს გადაწყვეტილებაზე, პრეზიდენტ სალომე ზურაბიშვილის იმპიჩმენტის პროცედურის მიზანთან დაკავშირებით:

,,ჩვენ ავირჩიეთ ეს სამართლებრივი გზა იმისათვის, რომ ქვეყანაში დავაბრუნოთ ყველა დონეზე საკონსტიტუციო წესრიგი. ჩვენი ყველაზე მთავარი მიზანი, ამ შემთხვევაში, სწორედ ეს გახლავთ.

რაც შეეხება თვითონ პარლამენტში 100 ხმის შეგროვებას – ჩვენ, რა თქმა უნდა, არავისთან ამასთან დაკავშირებით არანაირ, ასე ვთქვათ, მოლაპარაკებას არ ვაპირებთ და ფსონს არ ვდებთ. ჩვენი მთავარი ამოცანა არის, რომ სწორედ ეს სამართლებრივი შეფასება არსებობდეს“, – განაცხადა ირაკლი ქადაგიშვილმა.

ავტორი
ნინი ხიჯაკაძე