„ჩვენ შარშანაც ვნახეთ, რომ მილიარდზე მეტი შემოვიდა ის ჭარბი თანხა, პრეფიციტი ბიუჯეტში. ვინმემ იგრძნო ეს მილიარდი? დაიხარჯა ხალხზე? – არა, დაიხარჯა ისევ მანქანებზე, რემონტებზე, მგზავრობებზე, მივლინებებსა და ა.შ.“, – ამის შესახებ „სტრატეგია აღმაშენებლის“ საგარეო მდივანმა, სერგო ჩიხლაძემ პარლამენტში საგანგებოდ გამართულ ბრიფინგზე განაცხადა.
მისი თქმით, სახელმწიფოს მიერ საპენსიო სესხის განულება იქნება ერთჯერადი პროცესი, რითიც ასობით ათას პენსიონერს მდგომარეობა შედარებით შეუმსუბუქდება:
“ეს იქნება თანაც ერთჯერადი თანხა, რომელსაც ბიუჯეტი გაიღებს. ეს არ იქნება ყოველწლიურად გასაცემი თანხა, ამით სკეპტიკოსებს სავარაუდო კითხვებზე ვპასუხობ და კიდევ ერთი, ჩვენ შარშანაც ვნახეთ, რომ მილიარდზე მეტი შემოვიდა ის ჭარბი თანხა, პრეფიციტი ბიუჯეტში.
ვინმემ იგრძნო ეს მილიარდი? დაიხარჯა ხალხზე? – არა, დაიხარჯა ისევ მანქანებზე, რემონტებზე, მგზავრობებზე, მივლინებებსა და ა.შ.
ამიტომ დღეს არის შანსი ერთი სიკეთე მაინც გააკეთოს ამ მოწვევის პარლამენტმა და ეს სიდუხჭირე, რომელშიც ცხოვრობს ასობით ათასი პენსიონერი როგორმე შევუმსუბუქოთ, ეს იქნება ყველაზე სწორი და სამართლიანი გადაწყვეტილება“, – განაცხადა სერგო ჩიხლაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” საზოგადოებასთან ურთიერთობის სამსახური ავრცელებს
