რაჭაში, შოვში მომხდარი სტიქიური უბედურების დროს დაკარგულ მოქალაქეებს ისევ ეძებენ. საძიებო სამუშაოებთან დაკავშირებით კომენტარი გააკეთა რაჭა-ლეჩხუმ-ქვემო სვანეთის სახელმწიფო რწმუნებულმა, პაპუნა მარგველიძემ:
,,ამ დროის მდგომარეობით, 27 მოქალაქის (უკვე 28, რედ.) ცხედარი არის ამოსვენებული. მიმდინარეობს 6 (5 მოქალაქის. რედ.) დაკარგული მოქალაქის საძიებო სამუშაოები აქტიურ რეჟიმში, როგორც სტიქიის ეპიცენტრში, კურორტშორის ტერიტორიაზე, ასევე მდ. ჭანჭახისა და მდ. რიონის კალაპოტებში, სადაც მძიმე ტექნიკის საშუალებით მიმდინარეობს კალაპოტის ფორმირება და არსებული კუნძულების დამუშავება.
ამოსვენებული მოქალაქეებიდან 25 ცხედარი არის იდენტიფიცირებული. პროცედურები სჭირდება თვითონ დნმ-ის ანალიზს, რაც დროს მოითხოვს.
პერიმეტრი არის გაზრდილი, როგორც მოგეხსენებათ და კვლავ აქტიურ რეჟიმში მიმდინარეობს სამძებრო სამუშაოები.
41 კმ-ზე მეტია, 60 კმ-ზე მეტი შემიძლია გითხრათ, რომ არის პერიმეტრი გაზრდილი.
სამძებრო სამუშაოები გაგრძელდება მანამ, სანამ მცირედი თეორიული შანსიც კი იქნება ჩვენი დაკარგული მოქალაქეების პოვნის“, – განაცხადა პაპუნა მარგველიძემ.
ავტორი
ნინი ხიჯაკაძე
