პარლამენტის ყოფილი თავმჯდომარე ირაკლი კობახიძე ეხმიანება საერთაშორისო რესპუბლიკური ინსტიტუტის (IRI) მიერ გამოქვეყნებულ კვლევას, სადაც მმართველი პარტიის რეიტინგის კლება ფიქსირდება და კვლევის ჩამტარებელ კომპანიებს წინა ხელისუფლების პარტიებთან დაკავშირებულებად მოიხსენიებს:
“ეს არის ის კომპანიები, რომლებიცარიან პირდაპირ დაკავშირებულები კონკრეტულ პოლიტიკურ პარტიებთან. CRRC არის დაკავშირებული ნაცმოძრაობის ერთ განშტოებასთან, IPM მეორე განშტოებასთან.
როდესაც ტარდება კვლევა, ძალიან კარგად ვხედავთ იმას, თუ როგორ დასრულდება შემდეგი საპარლამენტო არჩევნები და სწორედ ეს გვაძლევს ჩვენ იმის თქმის საფუძველს, რომ მნიშვნელოვნად ავცდებით ჩვენ 50%-იან მაჩვენებელს,” – განაცხადა ირაკლი კობახიძემ.
შეგახსენებთ, IRI-ს კვლევის მიხედვით, შეკითხვაზე – “მომავალ კვირას, რომ არჩევნები, რომელ პოლიტიკურ პარტიას მისცემდით ხმას?”, შედეგები ასე განაწილდა:
1. “ქართული ოცნება” – 23 %;
2. “ნაციონალური მოძრაობა” – 15%;
3-4. “ევროპული საქართველო” და “ლეიბორისტული პარტია” 5-5%;
5. “პატრიოტთა ალიანსი” – 4 %;
6. “სამოქალაქო მოძრაობა” – 3 %;
7-9. “ახალი საქართველო”, ნინო ბურჯანაძის “დემოკრატიულ მოძრაობა”, მამუკა ხაზარაძის “ლელო” 2-2 %;
10-11. “გირჩი”, “შენების მოძრაობა” – 1-1%.
