,,მთავარი არხის“ გენერალური დირექტორის, ნიკა გვარამიას პატიმრობიდან 1 წელი გავიდა. თემასთან დაკავშირებით მწვავე შეფასებებს აკეთებს ტელეკომპანია ,,კავკასია”-ს გენერალური დირექტორი, ნინო ჯანგირაშვილი:
,,რეალურად, 1 წლის წინ, ნიკა გვარამიას დაჭერით, ივანიშვილის ხელისუფლებამ საქართველოში რუსეთი გამოაცხადა. სამწუხაროდ, ბევრმა მაშინ ეს გადაწყვეტილება სათანადოდ ვერ შეაფასა.
1 წლის თავზე ჩვენ უკვე ვხედავთ, საით წავიდა საქართველო და მართლა როგორ, ნაბიჯ-ნაბიჯ, ვემსგავსებით და მივდივართ რუსეთში. ყველა, ვინც არ აპროტესტებს ამ უმძიმეს ამბავს, პირველ რიგში – პრეზიდენტი; ყველა, ვისაც შეუძლა, რომ შეცვალოს ეს უმძიმესი მდგომარეობა და ამას არ აკეთებს – საქართველოს რუსეთში შეყვანაში და ამ ქვეყანაში რუსეთის მშენებლობაში მინიმუმ ერთ აგურს დებს.
მე კიდევ ერთხელ მოვუწოდებ საქართველოს პრეზიდენტს, ნუ ეხმარება ივანიშვილის ხელისუფლებას საქართველოში რუსეთის მშენებლობაში! გადაწყვეტილება მიიღოს!
ნიკა გვარამიას ციხეში ყოფნა არის დანაშაული! მისი ციხეში ყოფნის ყოველი დღე არის ამ ქვეყნის სირცხვილი და ეს მალე უნდა დამთვარდეს!“, – განაცხადა ნინო ჯანგირაშვილმა.
ავტორი
ნინი ხიჯაკაძე
