“ეს არის მკვლელი პუტინის მადლობა რუს ოლიგარქს და რუსულ ხელისუფლებას” – ლევან ხაბეიშვილი

,,ერთიანი ნაციონალური მოძრაობის“ თავმჯდომარე ლევან ხაბეიშვილი განცხადებას აკეთებს რუსეთისა და საქართველოს ხელისუფლების კავშირზე. ოპოზიციონერი ლიდერი აღნიშნავს, რომ ევროინტეგრაციის პროცესის პარალელურად, ამგვარი პოლიტიკა ქვეყნის ინტერესებისთვის დამაზიანებელია:

,,ეს არის მკვლელი პუტინის მადლობა რუს ოლიგარქს და რუსულ ხელისუფლებას. შესაბამისად, ყველამ კარგად უნდა იცოდეს, რომ იმ პირობებში, სადაც ცივილიზებული სამყარო ერთიანდება უკრაინის გარშემო, ჩვენდა სამწუხაროდ, რუსეთმა, ამ ცივილიზებულ სამყაროში, პარტნიორი მონახა და ეს არის საქართველო.

ეს არის უკიდურესად მძიმე რეალობა, როცა ჩვენთვის ევროკავშირის კარები არის ღია და ,,რუსული ოცნება“ მკვლელ პუტინთან და კრემლთან ერთად უნისონში საბოტაჟს ეწევა – ეს არის შეთანხმებული გადაწყვეტილება“, – განაცხადა ლევან ხაბეიშვილმა.

ავტორი
ნინი ხიჯაკაძე