საქართველოში შუალედური/რიგგარეშე არჩევნები მიმდინარეობს. ამასთან დაკავშირებით პოლიტიკური შეფასებებს აკეთებს პარტია “ქართული ოცნების” აღმასრულებელი მდივანი, მამუკა მდინარაძე:
“სატესტო რეჟიმში, ის ახალი ტექნოლოგია, რომელსაც ჩვენ კანონმდებლობით ვნერგავთ, წარმატებით მიდის არჩევნები ამ მიმართულებითაც, რაც ძალიან მიხარია. თუკი რაიმე ხარვეზი იქნება, ბუნებრივია, ეს ჩვენ გამოგვადგება შემდგომ პერსპექტივაში დასახვეწად და ამ ხარვეზების გამოსასწორებლად.
ხაზგასმით ვამბობ, რომ ამომრჩეველთა რაოდენობა იქნება იმ პროცენტულ მაჩვენებელზე მეტი, ვიდრე IRI-მ “ქართულ ოცნებას” პროცენტი დაუწერა და დღეს ეს მოხდება უკონკურენტო არჩევნებში, სადაც პრაქტიკულად “ქართულ ოცნებას” ვერ გაუბედეს, რომ კონკურენტები დაეყენებინათ.
ეს პარადოქსი, რომელსაც ისინი კადრულობენ, უნდა გადაწიონ გვერდზე. კვლევების ჩამტარებელი ორგანიზაციის ხელმძღვანელობა უნდა დაფიქრდეს კარგად, თუ რასთან აქვს საქმე, როდესაც ასეთი მტკიცებულებები ჩნდება – ერთის მხრივ და ასევე, ჩნდება კვლევები, რომლებსაც არა თუ რეალობასთან აქვთ საერთო, არამედ 30%-იანი ცდომილებით არის ხოლმე გაყალბებული“, – აცხადებს მამუკა მდინარაძე.
