“სააკაშვილისთვის გუშინდელი ღამე გასათენებლად იყო ძალიან მძიმე” – გიორგი ჩალაძე

მიხეილ სააკაშვილის გათავისუფლების შტაბის ხელმძღვანელი, გიორგი ჩალაძე კლინიკა ,,ვივამედთან” შეფასება-განმარტებებს აკეთებს საქართველოს მე-3 პრეზიდენტის, მიხეილ სააკაშვილის მძიმე ჯანმრთელობის მდგომარეობის შესახებ:

,,პრეზიდენტ სააკაშვილისთვის გუშინდელი ღამე გასათენებლად იყო ძალიან მძიმე, ძალიან გაუჭირდა… თეთრად გაათენა მაღალი ტემპერატურის, მაღალი წნევის და ჯანმრთელობის მდგომარეობის გამო, რომელიც მას გააჩნია. ძალიან აქვს დაქვეითებული, გართულებულია მასთან კომუნიკაცია.

თქვენ კარგად გახსოვთ პრეზიდენტი სააკაშვილი, რომლის სიტყვით გამოსვლასაც გაეროს ოფისში ფეხზე მდგომი და ტაშით შეხვდნენ. ადამიანი, რომელსაც არ უწევს სიტყვებისთვის ფიქრი, არ უწევს სათქმელის გადმოსაცემად სიტყვების ძებნა – ამ ადამიანს უჭირს კომუნიკაცია, საუბარი, უჭირს ის, რაც ჩვენთვის ნორმალურია – აზრის მარტივი გადმოცემა”, – განაცხადა გიორგი ჩალაძემ.

ავტორი
ნინი ხიჯაკაძე