“გამოძიებამ უნდა დაადგინოს, სინამდვილეში ვინ იყო ამ ძალადობების წამხალისებელი” – არჩილ თალაკვაძე 7-9 მარტის მოვლენებზე

პარლამენტის ვიცე-სპიკერი, არჩილ თალაკვაძე პოლიტიკურ შეფასებას აკეთებს 7-9 მარტის მოვლენებთან დაკავშირებით და კონკრეტულ ბრალდებებს უყენებს ოპოზიციას:

“რეალურად, რასაც ვხედავთ, არის, რომ რადიკალური ოპოზიცია, ვინც სინამდვილეში, მაღალი ალბათობით, იდგა აქციების უკანა რიგში, ისინი ამოეფარნენ ახალგაზრდებს, გამოიყენეს ახალგაზრდები საკუთარი პოლიტიკური მიზნებისთვის, ცდილობდნენ მათ გამოყენებას, შემდეგ დაიმალნენ და ნახეთ, რომ როდესაც პროტესტმა მიაღწია კულმინაციას, რადიკალური ოპოზიციის არცერთი ლიდერი იქ არ იყო. მათ პრაქტიკულად დატოვეს ეს ახალგაზრდები.

გასარკვევია და გამოძიებამ უნდა დაადგინოს, სინამდვილეში ვინ იყო ამ ძალადობების წამხალისებელი, არა მხოლოდ ისინი, ვინც ჩაიდინა, არამედ ისინი უნდა გამოჩნდნენ და მათაც უნდა აიღონ პოლიტიკური პასუხისმგებლობა, ვინც ეს ყველაფერი წაახალისეს“, – განაცხადა არჩილ თალაკვაძემ.