24 თებერვლის აქციისთვის მზადება გრძელდება. ერთ პოლიტიკურ პლატფორმაზე გაერთიანებულმა სამმა ოპოზიციურმა პარტიამ – ,,დროამ“, ,,სტრატეგია აღმაშენებელმა“ და ,,გირჩი – მეტი თავისუფლებამ“ ახალგაზრდებთან საკონსულტაციო შეხვედრა გამართეს. აღნიშნულ თემაზე ჟურნალისტებთან კომენტარი გააკეთა ,,სტრატეგია აღმაშენებლის“ თავმჯდომარემ გიორგი ვაშაძემ:
,,24 თებერვალი არის ჩემთვის ღირსების დღე. ძალიან მნიშვნელოვანია, რომ საქართველომ საკუთარი ღირსება აჩვენოს უკრაინელ ხალხს, რომ მათ გვერდით ვართ და ასევე მთელ დასავლეთს, ცივილიზებულ საყაროს, რომ ჩვენ ევროპული განვითარების გზას არასდროს არ გადავუხვევთ!
დასუსტებული რუსეთის მარიონეტული რეჟიმი სარგებლობს ახალგაზრდების პასიურობით. ამიტომ გვინდა, ახალგაზრდებში მოტივაცია გაიზარდოს, რომ ისინი ჩაერთონ საქართველოს იმ ისტორიულ გადაწყვეტილებებში, რომელიც ჩვენ ძალიან დიდ პერსპექტივას მოგვცემს“, – განაცხადა გიორგი ვაშაძემ.
ავტორი
ნინი ხიჯაკაძე
