“ნეტავ კიდევ ცოტა ხნით გადაიდოს ეს არჩევნები და ჩვენი საზოგადოება სულ ყველაფერს გაიგებს “ნაციონალური მოძრაობის” შესახებ” – მიხეილ სარჯველაძე

პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე ირონიანარევ პოლიტიკურ შეფასებას აკეთებს ,,ნაციონალურ მოძრაობაში“ დაგეგმილ არჩევნებთან დაკავშირებით:

,,ნეტავ კიდევ ცოტა ხნით გადაიდოს ეს არჩევნები და ამასობაში ჩვენი საზოგადოება სულ ყველაფერს გაიგებს ,,ნაციონალური მოძრაობის’’ შესახებ, რაც აქამდე შეიძლება არ ყოფილიყო ვინმესთვის გასაგები და ცნობილი.

ის, რაზეც ადრე ვარაუდის დონეზე ვსაუბრობდით, პრაქტიკულად ფაქტების სახით დადასტურდა ყველაფერი, ყველა ეს გარემოება, თუ რა სიბინძურესთან გვაქვს საქმე, როდესაც ვაფასებთ ,,ნაციონალური მოძრაობის“ ცალკეულ წევრთა თუ, ზოგადად, ამ პარტიის ნამოქმედარს და ა.შ.

ეს არის ზუსტად ის არსენალი მთელი ინსტრუმენტებისა, რომელიც აქვს ,,ნაციონალურ მოძრაობას“ თავის მარაგში და იყენებს ყოველი ფეხის ნაბიჯზე“, – განაცხადა მიხეილ სარჯველაძემ.

ავტორი
ნინი ხიჯაკაძე