“სტრატეგია აღმაშენებელი” გმობს და ემიჯნება ძალადობის ყველა ფორმას! – ნანა ტოხვაძე

ქვეყანაში გახშირებულ ფემიციდის და სხვადასხვა სახის ძალადობის ფაქტებთან დაკავშირებით შეფასებებს აკეთებს “სტრატეგია აღმაშენებლის” პოლიტსაბჭოს წევრი, ნანა ტოხვაძე, ხელისუფლების პასუხისმგებლობაზე ამახვილებს ყურადღებას და ქალთა უფლებების დამცველი ორგანიზაციების მარშში პარტიის მონაწილეობას აფიქსირებს:

“ჩვენს ქვეყანაში გახშირებული ფემიციდის და სხვადასხვა სახის ძალადობის ფაქტები, რომლებიც ხორციელდება ქალთა მიმართ – საგანგაშოა! ეს მიუთითებს პასუხისმგებელი სახელმწიფო ინსტიტუციების არაეფექტურ მუშაობაზე, რაც დაუყოვნებლივ გამოსასწორებელია, როგორც საკანონმდებლო ისე აღსრულების დონეზე.

ჩვენ მზად ვართ ჩავერთოთ ყველა კუთხით სამუშაოებში, რომლებიც პირდაპირ მიმართული იქნება ამ პრობლემის აღმოსაფხვრელად, თუმცა არ უნდა დაგვავიწყდეს საზოგადოების როლი ამ უმნიშვნელოვანეს საქმეში, რაც უზრუნველყოფს ქალების უსაფრთხოებას და ძალადობის ფაქტების მინიმუმამდე დაყვანას.

,,სტრატეგია აღმაშენებელი” უერთდება 25 ნოემბერს დაანოსებულ მარშს, რომელიც ქალთა უფლებათა დამცველმა ორგანიზაციებმა დაანოსეს და მოვუწოდებთ მოსახლეობას, ერთად დავდგეთ ამ ურთულესი პრობლემის წინაშე, სოლიდარობა გამოვუცხადოთ ქალებს და დავგმოთ ყოველგვარი ძალადობა“, – აცხადებს ნანა ტოხვაძე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს