“ქართული ოცნების” ოფისებში მაგიდებზე ეყარა ფული მეორე ტურამდე პერიოდში, ვისაც რამდენი უნდოდა – ასე ხელს მოკიდებდა ბღუჯა-ბღუჯა – გიორგი ვაშაძე

,,სტრატეგია აღმაშენებლის” თავმჯდომარე გიორგი ვაშაძე ჟურნალისტებთან მწვავე პოლიტიკურ შეფასებას აკეთებს 2018 წელს მმართველი გუნდის მიერ წარმოებულ საარჩევნო კამპანიასთან დაკავშირებით:

,,2018 წელს, ზუსტად ვიცით, რომ ,,ქართული ოცნების” ოფისებში მაგიდებზე ეყარა ფული მეორე ტურამდე პერიოდში, ვისაც რამდენი უნდოდა – ასე ხელს მოკიდებდა ბღუჯა-ბღუჯა.

გახსოვთ? – “ბღუჯა-ბღუჯა”, ეს განცხადება და წაიღებდა ამ ოფისებიდან, ოღონდ არჩევნები მოეგოთ.

ჩვენ გვინდა, რომ ათასნაირი რეგულაცია მოვიგონოთ, რომ სიმახინჯე გავაკონტროლოთ. სიმახინჯის მაკონტროლებელი ერთ-ერთი არის აღმასრულებელი ორგანოები, რომლებიც შავი ფულის ტრიალს უნდა ებრძოდნენ. ის აღმასრულებელი ორგანოები თვითონ ამ ფულს ხარჯავენ.

ყოველ თვეში 300-დან 400 ლარამდე ხელფასებს მათი კოორდინატორები არაფრის კეთებაში, უბრალოდ ,,ქართული ოცნების” ერთგულებისთვის იღებენ. ამას დაარქვეს უმუშევრობის წინააღმდეგ ბრძოლა!“, – განაცხადა გიორგი ვაშაძემ.

ავტორი
ნინი ხიჯაკაძე