პრეზიდენტის მიერ გამოცემულ შეწყალების აქტთან დაკავშირებით საქართველოს პროკურატურამ გამოძიება დაიწყო და ამის შესახებ საზოგადოებას სპეციალური განცხადებით აცნობა:
“საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე, დანაშაული გათვალისწინებული სსკ-ის 332-ე მუხლის 1-ლი ნაწილით. საზოგადოებას პერიოდულად მივაწვდით ინფორმაციას გამოძიების მიმდინარეობისა და შედეგების შესახებ“, – ნათქვამია გენერალური პროკურატურის განცხადებაში.
